Eik Banki þarf 24 milljarða á næstu 57 tímum

Eik Banki í Færeyjum þarf að útvega sér 1,2 milljarða danskra kr. eða um 24 milljarða kr. á næstu 57 tímum annars er sögu hans lokið. Þetta er krafan sem danska fjármálaeftirlitið gerir á hendur bankanum.

Í frétt um málið á börsen.dk segir að Eik Banki hafi fram til kl. 18.00 þann 30. september að uppfylla kröfur fjármálaeftirlitið um aukið eigið fé og gjaldþol. Eftirlitið telur nauðsynlegt að eiginfjárhlutfall bankans verði aukið í 35,4% þar sem fyrirsjáanlegar eru miklar afskriftir. Afskrifir sem bankinn hefur hingað til slugsað við að setja á efnahagsreikning sinn.

Fram kemur í frétt börsen að bankinn hafi þegar tryggt sér 400 milljónir danskra kr. frá félaginu TF Holding og sá möguleiki sé í stöðunni að selja rekstur dótturbankans Eik Bank í Danmörku.

Eins og fram kom í fréttum í gær hefur staða Eik Banki sett færeysku fjárlögin í uppnám. Talið er að heimastjórn eyjanna munui þurfa að leggja bankanum til mikið fé til að koma í veg fyrir þrot hans.