Sjö tónlistarmenn með meira en þrjár milljónir í STEF gjöld

Alls fengu 38 íslenskir höfundar og aðrir innlendir rétthafar úthlutað meira en 1 milljónir kr. á árinu 2009 í STEF-gjöldum. Þar af fengu sjö úthlutað meira en 3 milljónir kr.

Þetta kemur fram á vefsíðu Viðskiptablaðsins. Þar segir að samkvæmt bráðabirgðatölum, sem ekki hafa verið endurskoðaðar, úthlutaði STEF alls 268,4 milljónum króna í höfundaréttargreiðslur til íslenskra höfunda og annarra innlendra rétthafa á árinu 2009, samkvæmt upplýsingum frá Eiríki Tómassyni, framkvæmdastjóra STEFs.

Þar af var 71,2 milljónum króna úthlutað til þeirra vegna opinbers flutnings á íslenskri tónlist erlendis. Fjöldi þeirra höfunda og annarra rétthafa, sem fékk úthlutað á árinu 2009, var um 1600, og eru þá aðeins taldir innlendir rétthafar.