Viðskipti innlent

Eignir lánafyrirtækja lækka mikið milli mánaða

Eignir ýmissa lánafyrirtækja námu 1.294,8 milljörðum kr. í lok desember og lækkuðu um 8,1 milljarða kr. milli mánaða. Innstæður í Seðlabankanum hækkuðu um tæpa 5,0 milljarða kr. í mánuðinum og námu um 35,0 milljörðum kr. í lok desember.

Þetta kemur fram í hagtölum Seðlabankans. Þar segir að frá desember 2008 hafa innstæður í Seðlabankanum hækkað um 30,6 milljarða kr. Verðtryggð skuldabréf námu 848,2 milljörðum kr. í lok mánaðarins og hækkuðu um 6,2 milljarða kr. frá fyrra mánuði.

Á einu ári hafa verðtryggð skuldabréf hækkað um 193,5 milljarða kr. eða um tæp 30%. Eignarleigusamningar námu 135,5 milljörðum kr. í lok desember og lækkuðu um tæpa 12,0 milljarða kr. milli mánaða. Eigið fé lækkaði um 10,5 milljarða kr. í desember og stóð í 65,4 milljörðum kr. í lok árs.

Tölur fyrir desembermánuð eru bráðabirgðatölur og geta breyst.

Til ýmissa lánafyrirtækja teljast Íbúðalánasjóður, fjárfestingarbankar, eignarleigur, greiðslukortafyrirtæki og fjárfestingarlánasjóðir.





Mest lesið


Fleiri fréttir

Sjá meira


×

Mest lesið