Einvígið á Nesinu er á mánudaginn

Hið stórskemmtilega Einvígi á Nesinu fer fram á mánudaginn, frídag verslunarmanna eins og hefð er. Mótið er til styrktar góðs málefnis og þar keppa bestu kylfingar landsins í þrautakeppni.

Nýkrýndir Íslandsmeistarar í höggleik, Birgir Leifur Hafþórsson og Tinna Jóhannsdóttir eru meðal þeirra sem taka þátt. Þá mætir Ragnhildur Sigurðadóttir til leiks en hún er í fríi frá keppnisgolfi í sumar.

Keppnin hefst klukkan 10 en þá eru leiknar níu holur sem ákvarða röð kylfinga. Einvígið sjálft hefst svo klukkan 13.

Í ár er það Styrktarfélag lamaðra og fatlaðra sem nýtur góðs af mótinu og fær eina milljóna króna en þetta kemur fram á Kylfingur.is.



Keppendur á einvíginu í ár:

Björgvin Sigurbergsson GK Shoot-out meistari 2009

Birgir Leifur Hafþórsson GKG Íslandsmeistari í höggleik og klúbbmeistari GKG

Tinna Jóhannsdóttir GK Íslandsmeistari kvenna í höggleik 2010

Bjarki Pétursson GB Klúbbmeistari GS og Íslandsmeistari drengja 15 - 16 ára

Hlynur Geir Hjartarson GK 1. sæti á stigalista karla

Nökkvi Gunnarsson NK Klúbbmeistari Nesklúbbsins

Ragnhildur Sigurðardóttir GR Klúbbmeistari GR

Sigurpáll Geir Sveinsson GK Klúbbmeistari GK

Örn Ævar Hjartarson GS Klúbbmeistari GS

Örvar Samúelsson GA Klúbbmeistari GA