Starfsmaður Ríkisskattstjóra meðal grunaðra í stórfelldu svikamáli

Einn sexmenninnganna sem grunaðir eru um að svíkja 270 milljónir króna úr úr virðisaukaskattskerfinu er starfsmaður Ríkisskattstjóra. Mennirnir voru úrskurðaðir í gæsluvarðhald í gær.

Meðal hinna grunuðu er starfsmaður hjá Ríkisskattstjóra, sem sá um virðisaukaskattskil í starfi sínu. Hann er talinn hafa aðstoðað hina fimm með því að koma gögnum í gegnum skattkerfið.

Eins og fram kom á Vísi í dag voru mennirnir úrskurðaðir í gæsluvarðhald vegna gruns um brot á virðisaukaskattslögum. Níu voru handteknir vegna málsins en þremur var sleppt.

Ítarlega verður greint frá málinu á Stöð 2 í kvöld.