Stjarnan með 8 mörk á KR-vellinum - Sandra markvörður skoraði

Stjarnan tryggði sér fjórða sætið í Pepsi-deild kvenna með 8-0 sigri á KR í fyrsta leik lokaumferðar deildarinnar sem klárast síðan á sunnudaginn. Lindsey Schwartz og Rachel Rapinoe skoruðu báðar tvö mörk í leiknum en markvörðurinn Sandra Sigurðardóttir var meðal markaskorara Stjörnunnar í leiknum.

Stjarnan komst í 1-0 eftir sex mínútur og var 3-0 yfir í hálfleik. Sandra Sigurðardóttir, markvörður og fyrirliði Stjörnunnar, skoraði sjötta markið úr vítaspyrnu á 70. mínútu. Auk þeirra Lindsey Schwartz, Rachel Rapinoe og Söndru skoruðu þær Katie McCoy, Soffía Arnþrúður Gunnarsdóttir og Ásgerður Stefanía Baldursdóttir fyrir Stjörnuna í leiknum.

Stjarnan endar þar með mótið í 4. sætinu með 32 stig en Fylkir var tveimur stigum á eftir Stjörnunni fyrir lokaumferðina og hefði því getað tekið fjórða sætið af Garðabæjarstúlkum ef Stjarnan hefði ekki klárað leikinn í kvöld.

KR 0-8 Stjarnan:

0-1 Katie McCoy (6.)

0-2 Lindsey Schwartz (24.)

0-3 Rachel Rapinoe, víti (45.)

0-4 Soffía Arnþrúður Gunnarsdóttir (65.)

0-5 Lindsey Schwartz (67.)

0-6 Sandra Sigurðardóttir, víti (70.)

0-7 Rachel Rapinoe (70.)

0-8 Ásgerður Stefanía Baldursdóttir (89.)