Viðskipti erlent

Hagvöxtur í ESB-löndunum mun meiri en vænst var

Hagvöxtur í ESB-löndunum á öðrum ársfjórðungi ársins reyndist mun meiri en vænst var. Vöxturinn reyndist 1% hærri en hann var á fyrsta ársfjórðungi ársins. Sérfræðingar höfðu hinsvegar aðeins reiknað með 0,2% vexti.

Í umfjöllun um málið í Jyllands Posten segir að þessi hagvöxtur í ESB sé hærri en vöxturinn í Bandaríkjnum sem reyndist vera 0,6%.

Meðal 27 landanna innan ESB reyndist hagvöxturinn mestur í Litháen eða 2,9% en þess ber að geta að hagvöxturinn þar á fyrsta ársfjórðungi var neikvæður um 4%

Þýskaland kemur í öðru sæti með hagvöxt upp á 2,2% sem sýnir að þýska „aflvélin" er komin vel í gang eftir kreppuna. Í Bretlandi reyndist hagvöxturinn vera 1,1% og í Frakklandi 0,6%.

Grikkland er það land sem hagvöxturinn dregst mest saman eða um 1,5%.







Mest lesið


Fleiri fréttir

Sjá meira


×

Mest lesið