Viðskipti erlent

Seðlabanki Svíþjóðar: Engin áætlun til ef Icesave er fellt

Stefan Ingves seðlabankastjóri Svíþjóðar segir að engin áætlun sé til staðar ef Icesavesamningurinn verður felldur í þjóðaratkvæðagreiðslunni á laugardag. Þetta kemur fram í frétt á Reuters.

Ingves sat fyrir svörum í fyrirspurnartíma í sænska þinginu í dag. Þar var hann spurður hvert væri „plan B" hvað varðar fjárstuðning Norðurlandanna við Ísland ef samningurinn yrði felldur. „Ég veit ekki til þess að neitt plan B sé til staðar," svaraði Ingves.

Eins og margoft hefur komið fram í fréttum er áætlun Alþjóðagjaldeyrissjóðsins (AGS) bundin við fjárstuðning Norðurlandanna.  Stuðningur Norðurlandanna er svo aftur háður því að lausn fáist í Icesavedeilunni.

Samkvæmt þessari frétt Reuters hafa Norðurlandanþjóðirnar ekki komið sér saman um hvað þær geri þegar Icesavesamningurinn fellur í atkvæðagreiðslunni á laugardag.







Mest lesið


Fleiri fréttir

Sjá meira


×

Mest lesið