Varnarlína Barca veikist - Adriano frá í fjórar vikur

Barcelona verður án brasilíska bakvarðarins Adriano næstu fjórar vikurnar eftir að hann meiddist í tapinu á móti Real Madrid í úrslitaleik spænska bikarsins í gær. Adriano meiddist í lok leiksins en var gagnrýndur í spænsku pressunni fyrir að missa af Cristiano Ronaldo þegar Portúgalinn skoraði eina mark leiksins í framlengingunni.

Adriano reif vöðva í hægra læri og mun ekki spila fleiri deildarleiki á tímabilinu. Hann á hinsvegar möguleika á að ná úrslitaleiknum í Meistaradeildinni takist Barcelona að slá út Real Madrid.

Varnarlína Barca veikist því við þetta en fyrirliðinn Carlos Puyol er að koma til baka eftir langvinnandi meiðsli og Eric Abidal er frá eftir að hann þurfti að fara í aðgerð vegna krabbameins í lifur.