Verðbréfaviðskiptin neikvæð í mars

Nettó verðbréfaviðskipti milli innlendra og erlendra aðila voru neikvæð um 11 milljarða kr. í mars 2011. Þetta kemur fram í hagtölum Seðlabankans.

Nettó eign innlendra aðila í erlendum verðbréfum jókst um 34,7 milljarða kr. í mánuðinum og var aukningin mest í erlendum ríkisskuldabréfum eða um 40 milljarðar kr.

Nettó eign erlendra aðila í innlendum verðbréfum jókst um 23,7 milljarða kr. í mars 2011 og skýrist það helst af aukningu eigna í innlendum ríkisskuldabréfum og ríkisvíxlum.