SFR semur við Fríhöfnina

Samninganefndir SFR - stéttarfélags í almannaþjónustu og Fríhafnarinnar skrifuðu undir kjarasamning í dag. Í tilkynningu frá SFR segir að samningurinn sé á svipuðum nótum varðandi innihald og áherslur og þeir samningar sem SFR hefur verið að gera undanfarið.

Samningurinn gildir nú til loka janúar 2014 og gert er ráð fyrir 50 þúsund króna eingreiðslu ef hann verður samþykktur, sem og sérstökum álagsgreiðslum á árinu. Einnig er gert ráð fyrir hækkunum á orlofs- og desemberuppbót. Samningurinn verður kynntur fyrir félagsmönnum á næstunni og atkvæðagreiðslu um hann verður að vera lokið þann 5. júlí næstkomandi.