Clarke með eins höggs forystu á Opna breska fyrir lokahringinn

Darren Clarke hefur eins höggs forystu á Dustin Johnson fyrir loka hringinn á Opna Breska meistaramótinu í golfi en mótið fer fram á Royal St George's vellinum á Englandi.

Clarke lék hringinn í dag á einu höggi undir pari en veðrið var slæmt og aðstæður nokkuð erfiðar, en Norður-Írinn er á fimm höggum undir pari samtals í efsta sætinu.

Dustin Johnson lék á tveimur höggum undir pari í dag og er yfir heildina litið á fjórum höggum undir pari í öðru sæti.

Næstir koma þeir Rickie Fowler og Thomas Björn á tveimur höggum undir pari og verða þeir í næstsíðasta ráshóp fyrir lokahringinn.