Eignir innlánsstofnana hækka um 33,5 milljarða

Heildareignir innlánsstofnana námu 2.794 milljörðum kr. í lok júní og hækkuðu um 33,5 milljarða kr. frá maí. Þetta kemur fram í hagtölum Seðlabankans.

Innlendar eignir námu 2.503 milljörðum kr. og hækkuðu um 34 milljarða kr. og erlendar eignir námu 291,5 milljörðum kr. og lækkuðu um 517 milljónir kr.

Heildarskuldir innlánsstofnana námu 2.329 milljarða kr. og hækkuðu um 16,7 milljarða kr. á milli mánaða. Innlendar skuldir námu 2.149 milljörðum kr. og hækkuðu um 19 milljarða kr. Erlendar skuldir lækkuðu um 2,3 milljörðum kr. og námu 180,2 milljörðum kr. Eigið fé innlánsstofnana nam 465 milljörðum kr. í lok júní.

Útlán Arion banka hf., Íslandsbanka hf. og NBI hf. eru í þessum tölum metin á kaupvirði þ.e. því virði sem þessir aðilar keyptu útlánasafnið á af fyrirrennurum sínum. Lánasöfnin eru endurmetin reglulega sem getur leitt til hækkunar eða lækkunar á virði einstakra lána. Breytingar á útlánasafni þessara aðila geta því stafað af endurmati á virði lána eða af raunverulegum lánahreyfingum.

Seðlabankinn hefur nú samræmt gögn um útlán og niðurfærslur bankanna þriggja sem urðu til í október 2008. Þessi samræming leiðir til þess að höfuðstóll útlána þessara þriggja aðila hækkar, frá fyrri birtingu gagnanna, ásamt framlagi á niðurfærslureikning þeirra.