Rekstur Landspítalans skilaði afgangi

Í fréttum Stöðvar 2 í gær kom fram að Landspítalinn hefði farið tæpum þremur milljörðum fram úr fjárheimildum á síðasta ári. Vegna þessa vill Landspítalinn koma því á framfæri að spítalinn færir bókhald sitt á rekstrargrunni, en ríkissjóður er gerður upp á greiðslugrunni. Samkvæmt endurskoðuðum ársreikningi spítalans skilaði rekstur hans 70 milljóna króna afgangi, en frávikið frá fjárheimild sem birtist í ríkisreikningi skýrist af neikvæðum höfuðstól vegna rekstrarvanda fyrri ára.