Íslensk skyndibitakeðja í útrás

Saffran veitingastaðakeðjan opnaði sinn fyrsta veitingastað erlendis í dag. Staðurinn er í Orlando, skammt frá Florida Mall. Á vefsíðu Saffran kemur fram að staðurinn er byggður í samræmi við staðina á Íslandi og lítur því svipað út.

Á vef Orlando Business Journal kemur fram að húsnæðið sem Saffran er í er 300 fermetrar og tekur staðurinn 106 manns í sæti. Þar kemur jafnframt fram að leigusamningur um húsnæðið var undirritaður í janúar síðastliðnum.

Fyrsti Saffran veitingastaðurinn opnaði á Íslandi í mars 2009. Síðan þá hefur veitingastöðunum fjölgað.