Leigusamningum fjölgar um 8,8% milli mánaða

Heildarfjöldi þinglýstra leigusamninga um íbúðahúsnæði á landinu var 790 í júlí síðastliðnum og fjölgaði þeim um 8,8% frá júní. Hinsvegar hefur þessum samningum fækkað um 6,1% frá júlí í fyrra.

Þetta kemur fram á vefsíðu Þjóðskrár Íslands. Samningum fjölgar mest milli ára á Vesturlandi eða um 50%.

Á höfuðborgarsvæðinu hefur leigusamningum fækkað um 8,7% milli ára en þeim fjölgaði mest í borginni ef einstökum landshlutum milli mánaða eða um rúm 13%.

Samningum fækkar mest milli ára á Vestfjörðum og Austurlandi eða um 60% og 40% en á bakvið þá fækkun er mjög lítill fjöldi samninga, raunar aðeins 2 á Vestfjörðum.