H.F. Verðbréf ráðgjafi við sölu Sparisjóðs Svarfdæla

Bankasýsla ríkisins hefur ráðið H.F. Verðbréf sem ráðgjafa við sölu á 90% eignarhlut ríkisins í Sparisjóði Svarfdæla. Fyrr í þessum mánuði var ákveðið að selja hlut ríkisins í sparisjóðnum í opnu söluferli.

Í tilkynningu segir að H.F. Verðbréf sé verðbréfafyrirtæki sem starfað hefur frá febrúar 2004 á grunni starfsleyfis frá Fjármálaeftirlitinu samanber lög um fjármálafyrirtæki. Fyrirtækið sinnir fagfjárfestum á sviði verðbréfamiðlunar og fyrirtækjaráðgjöf og er aðili að Nasdaq OMX kauphöllinni í Reykjavík. Þá er félagið viðurkenndur ráðgjafi á First North markaðnum.

Auglýsing þar sem tilkynnt verður nánar um söluferlið verður birt fyrir næstu mánaðamót.