Reiknivél ÍSB virkar ekki

Í augnablikinu liggur niðri reiknivél inná heimasíðu Íslandsbanka (ÍSB) sem hugsuð er til að reikna heildarkostnað og greiðslubyrði af verðtryggðum lánum. Síðan hefur legið niðri í dag.

Guðný Helga Herbertsdóttir, upplýsingafulltrúi ÍSB, segir ástæðuna þá að verið sé að endurskrifa síðuna með ný lán í huga. Síðan var áður skrifuð fyrir lán með 6,5% föstum vöxtum án vaxtaendurskoðunar. ÍSB bjóði ekki uppá þess konar lán lengur. Nú sé boðið uppá 5,6% vaxta lán með vaxtaendurskoðun.

Guðný segir síðuna verða komna í gagnið aftur síðar í dag.