Græða margar milljónir á New York

New York er orðið að vörumerki sem skilar hundruðum milljóna króna í opinbera sjóði í fylkinu. Eins og mörgum er kunnugt um hafa alls kyns vörur merktar „I Love New York“ selst vel á liðnum árum og njóta kaffibollar, stuttermabolir og ilmvötn með slíkri merkingu töluverðra vinsælda. Slíkar vörur er ekki einungis hægt að kaupa í New York borg heldur einnig í Lundúnum, Ítalíu og Japan. Slíkar vörur seldust fyrir alls 1,83 milljónir dala á síðasta ári eða rúmar 200 milljónir króna.