Auðævi erfingja Jacksons margfaldast

Verðmæti eigna poppgoðsagnarinnar Michael´s Jacksons hafa aukist um 310 milljónir bandaríkjadala á þeim tveimur árum sem liðin eru frá því að hann lést. Upphæðin nemur 36 milljörðum íslenskra króna.

Endurfjármögnun á þeim eignum sem heyrðu undir Jackson hefur því gengið vonum framar, en á meðal eigna er útgáfuréttur af hluta þeirrar tónlistar sem Bítlarnir gáfu út og útgáfurétturinn af tónlist Jacksons.

Þá hefur tekist að greiða lánadrottnum Jacksons og tekjuskatta sem Jackson skuldaði.

Það var Sky fréttastofan sem greindi frá.