Gunnar: Þær unnu þennan leik verðskuldað

„Við ætluðum okkur að komast áfram í þessari keppni og því eru þetta mikil vonbrigði," sagði Gunnar Borgþórsson, þjálfari Vals, eftir ósigurinn í kvöld.

Valur féll úr leik í Meistaradeild Evrópu gegn Glasgow City, en liðið tapaði 3-0 í síðari leik liðanna. Fyrri leikurinn fór 1-1 út í Skotlandi.

„Við vorum inn í leiknum allan fyrri hálfleikinn og fengum upplagt marktækifæri rétt eftir að þær skoruðu fyrsta mark leiksins. Stelpurnar voru mjög óheppnar að nýta ekki það færi, en síðan í síðari hálfleiknum ná þær að keyra upp hraðan sem þær hafa og skora tvö fín mörk".

„Þetta Glasgow lið er frábært og unnu þennan leik verðskuldað. Við erum með virkilega flottan hóp og mikið af ungum og efnilegum stelpum sem ég treysti fyrir þessu verkefni í dag".