Hagar hagnast um rúmlega milljarð

Hagar hf., sem reka Bónus og Hagkaup, högnuðust um rúmlega milljarð, eða sem nemur um 3% af veltu, frá 1. mars til 31. ágúst á þessu ári. Þetta kemur fram í tilkynningu frá fyrirtækinu.

Í tilkynningunni segir enn fremur að rekstrartekjurnar hafi numið 33,7 milljörðum króna og að hagnaður fyrir afskriftir og fjármagnsliði hafi numið 2,2 milljörðum.

Helstu upplýsingar úr tilkynningunni má sjá hér að neðan:



•    Hagnaður tímabilsins nam 1.025 millj. kr. eða 3% af veltu.

•    Rekstrartekjur tímabilsins námu 33.711 millj. kr.

•    Hagnaður fyrir afskriftir, fjármagnsliði og skatta (EBITDA) nam 2.188 millj. kr.

•    Heildareignir samstæðunnar námu 23.517 millj. kr. í lok tímabilsins.

•    Handbært fé félagsins nam 1.825 millj. kr. í lok tímabilsins.

•    Eigið fé félagsins nam 4.807 millj. kr. í lok tímabilsins.

•    Eiginfjárhlutfall félagsins var 20,4% í lok tímabilsins.