Enginn frá Man. Utd talaði við fjölmiðla í kvöld

Það var ekki hátt risið á leikmönnum Man. Utd eftir niðurlæginguna gegn Basel í kvöld. Enginn frá félaginu talaði við fjölmiðlamenn eftir leikinn.

Samkvæmt fjölmiðlamönnum í Basel voru leikmenn United í áfalli er þeir laumuðu sér upp í liðsrútuna.

United taldi sig aldrei hafa verið eins heppið með riðil og þetta árið í Meistaradeildinni. Er það líklega rétt.

Þrátt fyrir það er liðið fallið úr keppni eftir háðulegt tap gegn Basel þar sem United fékk nákvæmlega það sem liðið átti skilið. Spilamennskan var einfaldlega ekki nógu góð.