Aston Martin bíll George Harrison seldur á uppboði

Aston Martin DB5 sportbíll sem áður var í eigu bítilsins George Harrison var seldur á uppboði hjá Coys í London á langt yfir matsverði bílsins.

Endanlegt verð sem fékkst fyrir bílinn var 350.000 pund eða um 66 milljónir króna. Matsverðið nam hinsvegar 200.000 pundum. Bíllinn er af sömu gerð og sá sem notaður var í James Bond myndunum Goldinger og Thunderball. 

Aðeins 1.000 eintök voru smíðuð af þessari tegund Aston Martin á árunum 1963 til 1965. Harrison keypti sinn nýjan árið 1965.