Arabískt lið vill fá Nistelrooy

Hollenski framherjinn hjá Hamburg, Ruud Van Nistelrooy, gæti söðlað um eftir tímabilið og samið við lið í Sádi Arabíu. Hann fengi fyrir vikið vænan seðil.

Hamburg lék gegn arabíska liðinu Al-Wasl í vetrarfríinu og Nistelrooy greip þá auga eiganda liðsins sem er moldríkur sjeik.

"Ég er mikill aðdáandi Nistelrooy. Hann er enn að skora góð mörk og það væri frábært að hafa hann í okkar liði," sagði sjeikinn.

Nistelrooy er 34 ára gamall og samningur hans við Hamburg rennur út í sumar.

Fjölmörg félög vilja nýta krafta þessa markheppna framherja og spurning hvað hann gerir.