Íþróttamaður ársins valinn í kvöld

Í kvöld kemur í ljós hver var valinn íþróttamaður ársins af Samtökum íþróttafréttamanna. Tíu eru tilnefndir.

Ólafur Stefánsson er tilnefndur í tólfta sinn en hann hefur verið valinn íþróttamaður ársins alls fjórum sinnum, þar af síðustu tvö árin.

Annars er mikið um ný nöfn á listanum en sex eru nú tilnefndir í fyrsta sinn. Þrír hafa verið einu sinni áður í hópi tíu efstu - Alexander Petersson, Helga Margrét Þorsteinsdóttir og Hólmfríður Magnúsdóttir.

Bein útsending verður á Rúv frá hófinu og hefst hún klukkan 20.20.

Listi yfir þá sem urðu í tíu efstu sætunum í kjörinu, í stafrófsröð:

Alexander Petersson, handbolti

Arnór Atlason, handbolti

Aron Pálmarsson, handbolti

Gylfi Þór Sigurðsson, fótbolti

Helga Margrét Þorsteinsdóttir, frjálsar íþróttir

Hlynur Bæringsson, körfubolti

Hólmfríður Magnúsdóttir, fótbolti

Hrafnhildur Lúthersdóttir, sund

Íris Mist Magnúsdóttir, fimleikar

Ólafur Stefánsson, handbolti