Samstarf um miðlun vísinda

Vísindavefur Háskóla Íslands og Landsvirkjun hafa undirritað samning um samstarf á sviði vísindamiðlunar.

Í tilkynningu frá Landsvirkjun segir að með samstarfinu vilji Vísindavefurinn og Landsvirkjun „stuðla að vandaðri og nútímalegri fræðslu um vísindi handa almenningi“.

Samningur þessi felur meðal annars í sér, að því er fram kemur í tilkynningunni, miðlun Landsvirkjunar í fræðsluskyni á völdum svörum Vísindavefsins um orku og orkumál.

Gagnkvæmur áhugi er á að þróa samstarfið frekar.- þj