Strangar fjárlagareglur fyrir aðildarríki ESB samþykktar 29. september 2011 05:15 Jose Manuel Barroso Forseti framkvæmdastjórnar Evrópusambandsins fór mikinn í stefnuræðu sinni á Evrópuþinginu í gær. Fréttablaðið/AP Evrópuþingið samþykkti í gær nýjar og strangari fjárlagareglur fyrir aðildarríkin, sem á að efla samstarf þeirra í ríkisfjármálum og koma í veg fyrir óhóflega skuldasöfnun. Heilt ár er liðið síðan framkvæmdastjórn Evrópusambandsins samþykkti tillögur sínar að þessum nýju reglum. Þeim er ætlað að draga úr líkum þess að aðildarríkin lendi í vanda á borð við þann, sem Grikkir og fleiri þjóðir evrusvæðisins glíma nú við. Í árlegri stefnuræðu, sem Jose Manuel Barroso, forseti framkvæmdastjórnarinnar, flutti í gær áður en gengið var til atkvæða um nýju fjármálareglurnar, gagnrýndi hann harðlega samstöðuleysi aðildarríkjanna gagnvart skuldavandanum, sem Grikkir og fleiri ríki evrusvæðisins glíma nú við. Hann segir nauðsynlegt að tryggja enn frekar sameiginlega yfirstjórn í Brussel yfir ríkisfjármálum aðildarríkjanna, svo hægt verði að bregðast hraðar við vanda af þessu tagi. Angela Merkel Þýskalandskanslari stendur síðan í ströngu við að sannfæra þjóðþing lands síns um nauðsyn þess að fallast á stækkun neyðarsjóðs ESB úr 250 milljörðum evra í 440 milljarða. Málið kemur til atkvæðagreiðslu á þýska þinginu í dag, en í gær leit út fyrir að afar naumur meirihluti muni samþykkja þessi áform. Verði þau hins vegar felld þykir ólíklegt að ríkisstjórn Kristilegra demókrata og Frjálslynda flokksins í Þýskalandi tóri mikið lengur. Síðustu vikur hefur reyndar komið í ljós að þessi stækkun neyðarsjóðsins muni vart duga til að bjarga Grikkjum út úr gríðarlegum skuldavanda þeirra, sem hefur grafið svo undan trúverðugleika evrunnar að margir óttast um framtíð hennar. Hugmyndir um að stækka sjóðinn enn frekar, jafnvel upp í 2.000 milljarða evra, hafa því skotið upp kollinum en svo virðist sem beðið sé eftir afgreiðslu þýska þingsins í dag áður en þær verða ræddar opinskátt. Nánast útilokað þykir að þýska þingið muni samþykkja enn frekara framlag til sjóðsins, og er því frekar talað um að veita sjóðnum heimild til þess að taka lán hjá Seðlabanka Evrópusambandsins. Finnska þingið samþykkti í gær fyrir sitt leyti stækkun neyðarsjóðsins, en Finnar krefjast þó eftir sem áður þess að Grikkir tryggi með einhverjum hætti endurgreiðslu þess fjár sem Finnar láta af hendi rakna til þeirra. Nýjasta tillaga framkvæmdastjórnarinnar, um skatt á fjármagnsviðskipti, hefur hins vegar mætt andstöðu meðal breskra stjórnvalda. gudsteinn@frettabladid.is Fréttir Mest lesið Þrotabú Wok on vill tugmilljóna endurgreiðslu frá Kristjáni Viðskipti innlent Horfðu á hallærislegt sjónvarpsefni og úðuðu í sig bragðaref Atvinnulíf Salzburg úr sögunni hjá Play Viðskipti innlent Samherji hvetur Odd Eystein til frekari verka Viðskipti innlent „Myndi alveg segja að hjartað í mér hafi verið í buxunum“ Atvinnulíf Að hætta að vera vandræðaleg í nýrri vinnu Atvinnulíf Frá RÚV til Coca-Cola Viðskipti innlent Enginn þarf að vera giftur lánunum sínum út lánstímann Samstarf Ellefu milljarða lán til að byggja upp veitukerfi og verjast loftslagsvá Viðskipti innlent Spá sömuleiðis óbreyttum stýrivöxtum Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Evrópuþingið samþykkti í gær nýjar og strangari fjárlagareglur fyrir aðildarríkin, sem á að efla samstarf þeirra í ríkisfjármálum og koma í veg fyrir óhóflega skuldasöfnun. Heilt ár er liðið síðan framkvæmdastjórn Evrópusambandsins samþykkti tillögur sínar að þessum nýju reglum. Þeim er ætlað að draga úr líkum þess að aðildarríkin lendi í vanda á borð við þann, sem Grikkir og fleiri þjóðir evrusvæðisins glíma nú við. Í árlegri stefnuræðu, sem Jose Manuel Barroso, forseti framkvæmdastjórnarinnar, flutti í gær áður en gengið var til atkvæða um nýju fjármálareglurnar, gagnrýndi hann harðlega samstöðuleysi aðildarríkjanna gagnvart skuldavandanum, sem Grikkir og fleiri ríki evrusvæðisins glíma nú við. Hann segir nauðsynlegt að tryggja enn frekar sameiginlega yfirstjórn í Brussel yfir ríkisfjármálum aðildarríkjanna, svo hægt verði að bregðast hraðar við vanda af þessu tagi. Angela Merkel Þýskalandskanslari stendur síðan í ströngu við að sannfæra þjóðþing lands síns um nauðsyn þess að fallast á stækkun neyðarsjóðs ESB úr 250 milljörðum evra í 440 milljarða. Málið kemur til atkvæðagreiðslu á þýska þinginu í dag, en í gær leit út fyrir að afar naumur meirihluti muni samþykkja þessi áform. Verði þau hins vegar felld þykir ólíklegt að ríkisstjórn Kristilegra demókrata og Frjálslynda flokksins í Þýskalandi tóri mikið lengur. Síðustu vikur hefur reyndar komið í ljós að þessi stækkun neyðarsjóðsins muni vart duga til að bjarga Grikkjum út úr gríðarlegum skuldavanda þeirra, sem hefur grafið svo undan trúverðugleika evrunnar að margir óttast um framtíð hennar. Hugmyndir um að stækka sjóðinn enn frekar, jafnvel upp í 2.000 milljarða evra, hafa því skotið upp kollinum en svo virðist sem beðið sé eftir afgreiðslu þýska þingsins í dag áður en þær verða ræddar opinskátt. Nánast útilokað þykir að þýska þingið muni samþykkja enn frekara framlag til sjóðsins, og er því frekar talað um að veita sjóðnum heimild til þess að taka lán hjá Seðlabanka Evrópusambandsins. Finnska þingið samþykkti í gær fyrir sitt leyti stækkun neyðarsjóðsins, en Finnar krefjast þó eftir sem áður þess að Grikkir tryggi með einhverjum hætti endurgreiðslu þess fjár sem Finnar láta af hendi rakna til þeirra. Nýjasta tillaga framkvæmdastjórnarinnar, um skatt á fjármagnsviðskipti, hefur hins vegar mætt andstöðu meðal breskra stjórnvalda. gudsteinn@frettabladid.is
Fréttir Mest lesið Þrotabú Wok on vill tugmilljóna endurgreiðslu frá Kristjáni Viðskipti innlent Horfðu á hallærislegt sjónvarpsefni og úðuðu í sig bragðaref Atvinnulíf Salzburg úr sögunni hjá Play Viðskipti innlent Samherji hvetur Odd Eystein til frekari verka Viðskipti innlent „Myndi alveg segja að hjartað í mér hafi verið í buxunum“ Atvinnulíf Að hætta að vera vandræðaleg í nýrri vinnu Atvinnulíf Frá RÚV til Coca-Cola Viðskipti innlent Enginn þarf að vera giftur lánunum sínum út lánstímann Samstarf Ellefu milljarða lán til að byggja upp veitukerfi og verjast loftslagsvá Viðskipti innlent Spá sömuleiðis óbreyttum stýrivöxtum Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira