Rauðar tölur á íslenska hlutabréfamarkaðnum

Gengi hlutabréfa í Icelandair, Marel og Össuri hefur lækkað skarplega í viðskiptum dagsins í íslensku kauphöllinni. Gengi bréfa í Icelandair hefur lækkað um 2,5 prósent og er gengið, þegar þetta er skrifað, 5,45. Gengi bréfa í Marel hefur lækkað um tæplega 1,5 prósent og er gengið nú 135. Þá hefur gengi bréfa í Össuri lækkað um ríflega þrjú prósent og er nú 185.

Össur birti upplýsingar um uppgjör fyrir árið 2011 í gær og nam hagnaður fyrirtækisins 37 milljónum dala, eða sem nemur 4,2 milljörðum króna.

Gengi bréfa í Högum hefur hins vegar hækkað um 1,2 prósent og er gengi bréfa félagsins nú 16,8.

Sjá má ítarlegar upplýsingar um þróun á íslenska markaðnum hér.