Landsbankinn mun standa dóminn af sér

Þrátt fyrir að endurreikna þurfi lán Landsbankans vegna Hæstaréttardómsins í gær mun eiginfjárhlutfall bankans samt verða umtalsvert yfir tilskyldum mörkum. Þetta kemur fram í yfirlýsingu sem bankinn sendi frá sér í dag. Eiginfjárhlutfall bankans var 23,6% í september síðastliðnum. Ekki sé þó hægt að fullyrða að niðurstaðan hafi áhrif á öll lán sem hafa verið endurreiknuð eða á eftir að endurreikna.

Landsbankinn segir að nú fari í hönd vinna við að meta fordæmisgildi dómsins. Dómurinn hafi væntanlega í för með sér að endurreikna þurfi á ný fjölda lána. Um sé að ræða íbúðalán einstaklinga, lán til fyrirtækja og lán sem Landsbankinn hafi tekið yfir við samruna bankans við Spkef, SP-Fjármögnun og Avant.