Fíllinn í stofunni er íslenska krónan

„Ég held því miður að við viljum ekki erlenda fjárfestingu," sagði Jón Sigurðsson, forstjóri Össurar, á Viðskiptaþingi í dag. Jón segir umræðu hér mótast af ótta við útlendinga.

Þá gerði Jón stöðu gjaldmiðla að umfjöllunarefni og sagði að það væru tveir gjaldmiðlar á Íslandi, óverðtryggð og verðtryggð króna. Hann benti á mikilvægi þess að Íslendingar tækju upp evru. „Þeir sem vilja ekki að við göngum í ESB og tökum upp evru, skulda aðra leið. Núverandi leið er ófær," sagði hann. Hann sagði jafnframt að óstöðugur gjaldmiðill væri ástæðan fyrir reiði í þjóðfélaginu. Þetta valdi eignatilfærslum sem fólk er skiljanleg reitt yfir. „Fíllinn í stofunni er íslenska krónan. Við erum alltaf að moka því út sem kemur aftur úr honum," sagði Jón.

Vísir er með beina twitterlýsingu frá Viðskiptaþingi í dag. Að auki verður ítarleg umfjöllun á Stöð 2 í kvöld og í Fréttablaðinu á morgun.