Flogið til þriggja nýrra áfangastaða

Iceland Express verður með áætlunarflug til þriggja nýrra áfangastaða og höfuðborga næsta sumar en það eru Prag í Tékklandi, Vilnius í Litháen og Edinborg í Skotlandi. Í heildina verður því flogið til sextán áfangastaða í Evrópu á komandi sumri og er þetta ein viðamesta sumaráætlun í sögu félagsins.

Flogið verður til Prag á miðvikudögum, Vilnius á þriðjudögum og Edinborgar á mánudögum og fimmtudögum. Áfangastaðir Iceland Express í sumar eru: London, Edinborg, Kaupmannahöfn, Berlín, París, Barcelona, Frankfurt Hahn, Alicante, Gautaborg, Billund, Kraká, Varsjá, Vilnius, Prag, Bolognia og Basel.

Eins og undanfarna mánuði verður flogið með Airbus A320 flugvélum af nýjustu kynslóð frá HCA flugfélaginu. Flugvélarnar taka 180 farþega.