Zlatan: Ég er bjartsýnn fyrir seinni leikinn á móti Barcelona

Zlatan Ibrahimovic, framherji AC Milan, var ánægður með markalaust jafntefli á móti Barcelona í kvöld í fyrri leik liðanna í átta liða úrslitum Meistaradeildarinnar en seinni leikurinn verður á heimavelli Barcelona í næstu viku.

„Við fengum nokkur góð marktækifæri en tókst því miður ekki að skora. Samt sem áður voru þetta mjög góð úrslit fyrir okkur og ég er bjartsýnn fyrir seinni leikinn," sagði Zlatan Ibrahimovic við Sky Sport 24 en hann fékk eitt besta færi leiksins í fyrri hálfleiknum.

Zlatan Ibrahimovic var þarna að mæta sínum gömlu félögum en þrátt fyrir að vera mjög sigursæll á ferlinum þá hefur Svíinn sterki aldrei unnið Meistaradeildina.