Atlético Madrid vann tólf síðustu leiki sína í Evrópudeildinni - myndir

Atlético Madrid tryggði sér sigur í Evrópudeildinni í kvöld með því að vinna 3-0 sigur á löndum sínum í Athletic Bilbao í úrslitaleik í Búkarest. Kólumbíumaðurinn Radamel Falcao skoraði tvö fyrstu mörkin í fyrri hálfleik og Diego innsiglaði síðan sigurinn undir lokin.

Þetta er í annað skiptið á þremur árum sem Atlético Madrid vinnur Evrópudeildina en liðið vann tólf síðustu leiki sína í keppninni í ár þar af alls leikina níu í útsláttarkeppninni með markatölunni 22-6.

Það var mikil gleði í herbúðum Atlético Madrid í leikslok og hér fyrir neðan má sjá myndasafn frá fögnuði liðsins en þessar myndir eru frá AFP-Fréttastofunni. Myndirnar má sjá í albúminu hér að neðan. Hægt er að sjá myndirnar stærri með því að smella á þær.