Vill ekki að upptakan af skókastaranum komist til fjölmiðla

Geir Lippestad, verjandi fjöldamorðingjans Anders Behring Breivik, og saksóknarar óttast að sagan kunni að endurtaka sig ef fjölmiðlar fá afhentar upptökur af því þegar ungur maður henti skó og hrópaði í áttina að Breivik við réttarhöldin í dag.

Ungi maðurinn sem um ræðir er bróðir pilts sem kom til Noregs einsamall síðasta sumar og var myrtur í Útey. Honum var umsvifalaust vísað út úr dómsalnum í lögreglufylgd eftir atvikið í dag.

Norska ríkisútvarpið og nokkur dagblöð hafa óskað eftir því að fá upptökur af atvikinu eða Lippestad og saksóknarar leggjast gegn því.