Írar kjósa um fjármálasáttmála ESB

Talið er að Írar muni samþykkja fjármálasáttmála Evrópusambandsins í þjóðaratkvæðagreiðslu í dag. Markmið sáttmálans er að koma á stöðuleika á evrusvæðinu.

Öll aðildarríki ESB hafa samþykkt samninginn, fyrir utan Bretland og Tékkland.

Írland er eina landið innan ESB sem ákvað að láta reyna á sáttmálann í þjóðaratkvæðagreiðslu.

Yfirvöld þar í landi segja að ef samningurinn verði felldur þá muni það verða erfiðara fyrir landið að fá aðstoð frá Evrópusambandinu og Alþjóðagjaldeyrissjóðnum.

Talið er að um 60 prósent Íra séu fylgjandi samningnum. Margir óttast þó að fólk vilji refsa yfirvöldum með því að neita samningnum.

Hægt er að nálgast frétt The Guardian um málið hér.