Man. Utd. horfir til Bandaríkjanna eftir nýju hlutafé

Forsvarsmenn og eigendur enska knattspyrnufélagsins Manchester United skoða nú þann möguleika að afla nýs hlutafjár í Bandaríkjunum frekar en Singapore eins og fyrri áætlanir gerðu ráð fyrir. Félagið hyggst afla um einum milljarði punda í nýtt hlutafé, sem jafngildir um 200 milljörðum íslenskra króna.

Hlutafjárútboðið hefur tafist vegna erfiðra aðstæðna á hlutafjármörkuðum, en nokkur hlutafjárútboð í Asíu hafa tafist að undanförnu, að því er segir í frétt breska ríkisútvarpsins BBC.

Sjá má umfjöllun BBC hér.