Tvöfaldur skolli: Arnar leikari ræðir um Haukadalsvöll við Geysi

Logi Bergmann Eiðsson og Þorsteinn Hallgrímsson ætla að fara víða í sumar í golfþættinum Tvöföldum skolla sem sýndur er á Stöð 2 sport. Þeir félagar fóru í heimsókn á Haukadalsvöllinn við Geysi og þar ræddu þeir við Arnar Jónsson leikara – sem spilar nánast allt sitt golf á þessum magnaða golfvelli.

Að mati Arnars eru 2. og 7. braut Haukadalsvallar þær sem skera sig úr á þessum velli. „Þeir sem koma hingað eiga bara að njóta þess að vera hérna. Þetta er bara unaður. Hvað varðar golfið þá er ýmislegt sem þarf að varast á þessum velli, og það snýst alls ekki um að slá langt á þessum velli," segir Arnar m.a. í viðtalinu við þá Loga og Þorstein.