Gunnar Nelson: Viðræður við UFC ganga mjög vel

Bardagakappinn Gunnar Nelson segir að viðræður við UFC gangi vel og að þær séu nú á lokastigi.

„Þetta er heimsmeistarakeppnin í þessari í þrótt. Ef maður kemst þarna inn fer maður ekkert annað nema illa gengur," sagði Gunnar í samtali við Stöð 2 í gær en fréttina má sjá hér fyrir ofan.

„Það hefði mikla þýðingu fyrir mig að komast inn. Ég hef horft í þessa átt mjög lengi þó svo að ég hafi farið mér mjög hægt og farið mínar leiðir. Ég mun gera það áfram en þetta er samt mjög spennandi."

UFC er stærsta bardagasamband heims en Gunnar hefur vakið mikla athygli fyrir frammistöðu sína í blönduðum bardagalistum, MMA, undanfarin ár.