Tæplega 90 milljarða halli á rekstri ríkissjóðs

Halli á rekstri ríkissjóðs á síðsta ári nam 89,4 milljörðum króna, samkvæmt nýbirtum ríkisreikningi. Það er um 43 milljörðum meiri halli en fjárlög fyrir árið 2011 gerðu ráð fyrir. I tilkynningu frá fjármálaráðuneytinu segir að ástæðan sé fyrst og fremst framlög vegna SpKef og tap fyrri ára í rekstri Byggðarstofnunar og Nýsköpunarsjóðs atvinnulífsins.

„Allt þetta kjörtímabil hafa markmið á sviði ríkisfjármála verið skýr. Frá miðju árið 2009 hefur verið unnið að því að stöðva hallarekstur og skuldasöfnun ríkisins með bættri tekjuöflun og samdrætti á útgjaldahlið ríkissjóðs. Til að ná þessum markmðum hefur með umfangsmiklum aðhaldsaðgerðum verið unnið að lækkun ríkisútgjalda, skipulagsbreytingum, hagræðingu og aukinni tekjuöflun," segir í tilkynningu frá ráðuneytinu.

Ráðuneytið segir að á heildina litið hafi efnahagsáætlun gegnið eftir en nú skipti áframhaldandi árangur sköpum fyrir trúverðugleika þeirrar fjármálastefnu sem stjórnvöld hafa sett sér og unnð að.