Pabbi Breiviks skrifar bók um hann

Pabbi Anders Behring Breivik ætlar að skrifa bók um son sinn. Pabbinn, sem heitir Jens Breivik, er 76 ára gamall og býr í Frakklandi. Breivik myrti, sem kunnugt er, 76 í Osló og Útey í Noregi þann 22. júlí í fyrra.

Hann hefur staðfest við útvarpsstöðina P4 í Noregi að hann hyggist skrifa bók um soninn. „Já, það passar, en ég vil ekki tjá mig neitt um það," segir hann í samtali við P4. P4 hefur verið í sambandi við stærstu bókaforlög í Noregi, en enginn af þeim hefur fengið handrit frá pabba Breiviks. Forlögin eru þó mjög áhugasöm um að ræða við hann.



Hér má sjá umfjöllun DR um pabba Breiviks.