Heynckes mun líklega hætta næsta sumar

Jupp Heynckes, þjálfari Bayern Munchen, hefur gefið í skyn að hann muni hætta með félagið næsta sumar er samningur hans við félagið rennur út.

Hinn 67 ára gamli Heynckes hefur verið með liðið síðan 2011 er hann tók við af Louis van Gaal. Hann fór með liðið í úrslit Meistaradeildarinnar og fékk silfur þar eins og í þysku deildinni og þýska bikarnum.

"Ég þarf að vera raunsær og ég er ekki 37 ára gamall lengur. Svo er spurning hvort félagið vill ungan eða gamlan þjálfara hérna," sagði Heynckes.

Margir hafa verið orðaðir við starfið og þar á meðal Pep Guardiola, fyrrum þjálfari Barcelona.