Matvælaverð hækkaði um 10% á heimsvísu í júlí

Verð á matvælum hækkaði að meðaltali um 10% á heimsvísu í síðasta mánuði. Þetta kemur fram í nýrri skýrslu frá Alþjóðabankanum.

Í skýrslunni kemur fram að hin gífurlega hækkun á matvælum stafi einkum af þurrkum í mörgum korn- og hveitiræktarhéruðum í Bandaríkjunum og í Austur Evrópu sem valdið hafa uppskerubresti í vor og sumar. Þannig hækkaði verð á korni og hveiti um 25% í júlí og verð á sojabaunum um 17%. Hinsvegar lækkaði verð á hrísgrjónum um 4%.

Jim Young einn af talsmönnum Alþjóðabankans segir að þessar verðhækkanir á matvælum ógni tilveru og velferð milljóna manna víða um heiminn en þó einum í Afríku og Miðausturlöndum.

Bankinn hvetur stjórnvöld til að bregðast við þessu ástandi með því að þróa áætlanir sem miða að því að verja fátækt fólk fyrir áhrifum af hækkandi matvælaverði.