Heimsmarkaðsverð á olíu hækkar nokkuð

Nokkur hækkun hefur orðið á heimsmarkaðsverði á olíu undanfarin sólarhing eða um og yfir 1%.

Þannig er tunnan af Brent olíunni komin í tæpa 116 dollara en verðið fór vel yfir 116 dollara um tíma í nótt. Verðið á bandarísku léttolíunni er komið yfir 97 dollara á tunnuna.

Á vefsíðunni forexpros segir að þessar hækkanir megi einkum rekja til þess að búist er við því að Ben Bernanke seðlabankastjóri Bandaríkjanna muni gangsetja peningaprentvélar landsins að nýju. Einnig er talið að stjórnvöld í Kína muni grípa til svipaðra aðgerða á næstunni, það er slaka á peningastefnu sinni.