Mikil uppsveifla á öllum mörkuðum

Mikil uppsveifla hefur verið á mörkuðum í Bandaríkjunum í gærkvöldi og Asíumörkuðum í nótt. Sú uppsveifla heldur síðan áfram á helstu mörkuðum Evrópu í morgun.

Þannig hækkaði Dow Jones vísitalan í New York um 1,5% í gærkvöldi og Nikkei vísitalan í Tókýó um rúmlega það í nótt.

FTSE vísitalan í London hefur hækkað um 1,5% í morgun, Dax vísitalan í Frankfurt hefur hækkað álíka mikið og Cac 40 vísitalan í París hefur hækkað um tæp 2%.

Ástæðan fyrir þessum hækkunum eru boðaðar efnahagsaðgerðir Seðlabanka Bandaríkjanna sem greint var frá í gærdag.