Íslendingar drekka meira

Sala áfengis hjá ÁTVR fyrstu átta mánuði ársins jókst um 1,6% í lítrum talið milli ára.

Ef sala einstakra tegunda er borin saman jókst sala á ávaxtavínum um 57% milli ára og sala á svokölluðum öðrum bjórtegundum rauk upp um 120%. Sala á rauðvíni og hvítvíni jókst lítillega en hins vegar dróst sala á ókrydduðu brennivíni og vodka saman. Á töflunni hér að neðan sést þróunin milli ára.

Á sama tíma dregst hins vegar tóbakssala saman. Sala á sígarettum er langfyrirferðamest í töflum ÁTVR en hún dregst saman um 4,1% milli ára. Sala á píputóbaki dregst einnig saman. Hins vegar eykst sala á reyktóbaki og neftóbaki nokkuð milli ára. Á heildina litið dregst þó tóbakssala saman.