Iceland Express ætlar að taka upp farangursgjald

Skarphéðinn Berg Steinarsson, forstjóri Iceland Express, segir fyrirtækið ætla að taka upp farangursgjald síðar í haust. Það þýðir að viðskiptavinurinn borgar sérstaklega fyrir farangurinn sem hann tekur með sér en slíkt verður ekki innifalið sérstaklega í heildarverðinu.

Þetta kemur fram í viðtali við Skarphéðinn á heimasíðunni túristi.is. Iceland Express yrði þá annað ferðafyrirtækið sem tæki upp þessa tilhögun en Vísir greindi frá því í sumar að WOW Air gerði slíkt hið sama.

Skarphéðinn segir ástæðuna fyrir þessari nýju tilhögun meðal annars þá að þeir sem fljúga með engan farangur, eða bara handfarangur, eigi ekki að þurfa að bogra fyrir farangur annarra farþega. „Viðskiptavinir okkar eiga að fá það sem þeir borga fyrir, hvort sem það er sæti eða farangur," segir Skarphéðinn í viðtali við túrista.is.