Aðgerðaáætlun OR skilar umtalsverðum árangri

Aðgerðaáætlun Orkuveitu Reykjavíkur (OR) og eigenda hennar skilaði umtalsverðum árangri umfram áætlanir á fyrrihluta ársins. Heildarárangurinn var 874 milljónir króna umfram áætlunina sem kölluð er Planið.

Þetta kemur fram í tilkynningu til Kauphallarinnar. Þar segir að í Planinu felast margháttaðar aðgerðir með það heildarmarkmið að bæta sjóðstreymi OR um 50 milljarða króna til ársloka 2016.

Samdráttur fjárfestinga í veitukerfum er verulega umfram áætlanir á fyrri helming ársins en sala eigna á fyrsta ársfjórðungi var undir áætlun. Hlutur Orkuveitunnar í HS Veitum er í opinberu söluferli.