Reginn tryggir endurfjármögnun Egilshallar

Reginn hefur lokið fyrsta áfanga í endurfjármögnun félagsins. Félagið hefur tryggt endurfjármögnun Egilshallar að fjárhæð 5,5 milljörðum króna.

Þetta kemur fram í tilkynningu til Kauphallarinnar. Þar segir að fjármögnunin er verðtryggt til 10 ára og ber 3,85% fasta vexti. Um er að ræða eignatryggða fjármögnun og er lánveitandi REG 1, fagfjárfestasjóður í rekstri Stefnis hf. Þegar hefur verið samið um helstu skilmála með fyrirvara um áreiðanleikakönnun.

Áætlaður ávinningur félagsins vegna lægri vaxtakjara er um 60 milljónir kr. á ársgrundvelli. Fasteignasafn fyrirtækisins telur 30 eignir og er heildarfermetrafjöldinn um 153 þúsund fermetrar.