Viðskipti innlent

Guðlaugur vill ræða um þrotabú bankanna

BBI skrifar
Guðlaugur Þór Þórðarson, þingmaður Sjálfstæðisflokksins.
Guðlaugur Þór Þórðarson, þingmaður Sjálfstæðisflokksins.
Guðlaugur Þór Þórðarson, þingmaður Sjálfstæðisflokksins, telur mikilvægt að efnahags- og viðskiptanefnd Alþingis ræði framkvæmd Seðlabankans á gjaldeyrishöftunum og hættu sem steðjar af Íslandi ef erlendir kröfuhafar ná yfirráðum yfir þrotabúum bankanna.

Guðlaugur sendi Helga Hjörvari, formanni nefndarinnar, bréf í dag vegna greinar sem Heiðar Már Guðjónsson, fjárfestir og hagfræðingur, skrifaði í Fréttablaðið í dag. Þar ræðir hann um hættuna sem skapast ef erlendir kröfuhafar samþykkja nauðasamninga og ná fullum og beinum yfirráðum yfir eignum þrotabúa Kaupþings og Glitnis. Þeir munu þá vilja koma eignum sínum í verð erlendis.

Til að ræða málin í efnahags- og viðskiptanefnd telur Guðlaugur mikilvægt að fá seðlabankastjóra, forstjóra Bankasýslunnar, forsvarsmenn slitastjórna bankanna, Heiðar Má Guðjónsson og fjármálaráðherra sem gesti.


Tengdar fréttir

Að ganga ekki frá hálfkláruðu verki

Stjórnmálaumræða á Íslandi tekur nú að mestu mið af kosningunum sem eru fram undan. Þá er enn nauðsynlegra en fyrr að stjórnmálamenn raði verkefnum ekki einungis eftir því hvernig þau falla að stefnuskrá þeirra, heldur líka eftir því hversu brýn þau eru. Eitt brýnasta verkefni stjórnmálamanna í dag er að tryggja að hér verði stöðugt fjármálakerfi, bæði til að hægt verði að losa höftin en ekki síður til að bregðast við breyttu eignarhaldi á bönkunum. Þetta skiptir gríðarlega miklu máli fyrir framtíðina, því það eru veigamiklar breytingar í farvatninu.

Heiðar Már: Hér getur skapast lögfræðilegt stríðsástand

"Hættan er sú að ef kröfuhafar undirrita nauðasamninga án þess að tryggt sé að þeir geti ekki komið eignum sínum út á undan öllum landsmönnum, þá skapist hér lögfræðilegt stríðsástand," segir Heiðar Már Guðjónsson, hagfræðingur, í grein í Fréttablaðinu í dag.



Mest lesið


Fleiri fréttir

Sjá meira


×

Mest lesið